ארים רייך, שטארק אין שוואך
אלץ ארום די זעלבע זאך
ווער עס האט פון דעם גענוג
איז יעדער מיט איהם נאנט
קרובים היינט, מארגען פיינט
איבערמארגען פרישע פריינט
אויב פארדינט מען לירה, פראנק, שקל, דאללער, פונט
מ'אקערט זייעט, מ'בארגט מ'לייעט
מ'לייגט אריין, מ'קוועטשט און דרייט
יעדער האט די זעלבע ציל, פארדינען געלט בניקל
מ'פליט אין וועג, וואכען טעג, נאך די געלט אזא ג'יעהג
נאך א דאללער, פראנק און פונטען
ס'מעג זוון אויך א שקל
פרבירט צו זיין א העלד, זיין ווארט יעדעם געפעלט
ווער ס'האט די מאה, האט די דעה, ווען עס קומט צו געלט
אן ארימע געצעלט, א רייכע פנים שטעלט
א יעדער שמויגער, פאר זיך טויג ער, ווען עס קןמט צו געלט
אנשטאט זיך זארגען, טרעפט ווי צו בארגען
ס'קןמט צו באצאלען, כסף מנלן
די טשעקלעך קראכען, לויפט צו גמ"ח'ן
נישטא קיין ערב, ער זוכט א קרוב
פון וואנעט, ווער באצאלט ביז דאנעט
ווי גרויס די יאר איז, בין איך אויף צרות
מיינע פאהן אפהאקען, און אראפקנאקען
כ'קען נישט באצאלען, כסף מנלן
אין שוהל מ'גייט נאך געלט
אין גאס מ'רעדט פון געלט
איך קום אין שטוב, וואס האט מען ליב
מ'בעהט שוין ווייטער געלט
כבוד קןמט מיט געלט
חכמה קומט מיט געלט
מ'זאגט א הלצה, א שונא בצע
באקומט מען היינט פאר געלט
דאס הארץ צופליקט, דער שותף דריקט
פון געלט עס ווערט אזא קאנפליקט
פון יעדער צוועק, ער לויפט אוועק
ווי נאך א שווערע לאגע
די ביזנעס בליהט, ער ווערט נישט מיהד
ווי מער ער האט, די קאפ איהם פליהט
ווי עס שטייט מרבה נכסים, איז אויך מרבה דאגה
ארים רייך, שטארק אין שוואך
אלץ ארום די זעלבע זאך
ווער עס האט פון דעם גענוג
איז יעדער מיט איהם נאנט
קרובים היינט, מארגען פיינט
איבערמארגען פרישע פריינט
אויב פארדינט מען לירה, פראנק, שקל, דאללער, פונט
דאס לעבען ווערט פארשנעלט
נאר דאגות קומט פון געלט
דאס לעבען קאסט, וויפיל די האסט
אלץ פעהלט אויס נאך נאך געלט
וואס האט מען פונעם געלט
פון גשמיות מ'קוועלט
ס'זעהט אויס גוט, מ'נעמט נישט מיט
עס בלייבט גארנישט פון געלט
זיך איבערייסען, זיך איבערפלייסען
פאר אלע מיני, נישט דווקא גרינע
די יונגע יארען, די געלטער שפארען
איז שוין אן אלטער, דאך געלט באהאלט ער
פארביטערט, זיין האנט שוין ציטערט
ער איז קוים ביים זינען, וועט געלט נישט רינען
ביי איהם וועט בלייבן, די טשעקלעך שרייבן
אן אלט נערוועזן, ער קארגט אויף שפעזן
אין שוהל מ'גייט נאך געלט
אין גאס מ'רעדט פון געלט
איך קום אין שטוב, וואס האט מען ליב
מ'בעהט שוין ווייטער געלט
כבוד קןמט מיט געלט
חכמה קומט מיט געלט
ס'זעהט אויס גוט, מ'נעמט נישט מיט
עס בלייבט גארנישט פון געלט
אביסל כשר געלט, מיט מצוות אויף דער וועלט
דוס זעהט אויס גוט, דאס נעמט מען מיט
עס בלייבט אויף יענער וועלט
פאר יעדעם עס געפעלט, ווען גוט'ס מ'טוט מיט געלט
איך פרעג ביי דיר, נו זאג'זשע מיר....
וואו קען מען שאפען אפאר דאללער ?
לאז שוין אפ די געלט!!!!
Found it
here.
